Jubilanten: Roar Finsås (60)
Av Øystein Lydvo, styreleiar i Gjenklang, musikkterapeut ved Bjørgvin DPS, bassist og artist. 12.11.2024
MUSIKKTERAPIPIONEREN ROAR FINSÅS FYLLER 60 ÅR
Roar Finsås fra Polyfonkonserten (2023) på Statsraaden Bar. Foto: Julie Amilien Simon.
Musikkterapeut, bassist og artist, Roar Finsås - "Roaren" på folkemunne, har vore med i foreininga Gjenklang sidan starten i 2020 som musikar, musikkterapeut og frivillig. Han er nok mest kjent som artist i bergensband som Radiofantomene og John Holmes Band, og det var konsert med desse to på Statsraaden Bar som var 60-årsfeiringa helga han fylte år. Mindre kjent er han som musikkterapeut, og ikkje alle veit kor viktig han har vore for utvikling av faget og feltet. Eg vart kjent med Roar då me studete musikkterapi i saman på Sandane i Nordfjord på 90-talet. Der leigde me kvart vårt hus for «ein slikk og ingenting» og me treivst så godt i bygda at me vart buande der etter endt utdanning. Roar rekrutterte bandkollega Viggo Krüger til studiet og det kunne virke som om bergensbølgen slo dønningar heilt til Nordfjord på denne tida. Saman med Viggo, medstudentane Lasse Tuastad og Øyvind Selvik, samt elevar på musikklina ved Firda Vidaregåande skule, vart nye bandkonstellasjonar forma og me frekventerte det som var av festivaler i området: Glopperock, Fjordblues og Countrytreff på Breim. Gjennom spelinga og jobbengasjement på Gloppen musikkskule, musikklina og musikkterapistudiet vart me godt integrert i lokalsamfunnet. Me fekk prøvd oss som musikkterapeuter og trent på det som Roar etterkvart skulle verte så god på, og ta med seg til Bergen; Samfunnsmusikkterapi.
For etter fire år på Sandane flytta Roar tilbake til Bergen og starta tilbodet Musikk i fengsel og frihet (MIFF) saman med Lasse på USF Verftet. MIFF vart etablert i Oslo i 1991 av musikkterapeut Venja Ruud Nilsen og bidreg til at soningsdømde vert ført tilbake til samfunnet. Roar har stilt med band frå dette tilbodet til alle Gjenklangkonsertane våre og han tok med seg bandet Sleeping Phantasma på arrangementet vårt Polyfonkonserten 2024 onsdag 06.11. Han har heile tida kombinert denne jobben med andre stillingar; i Bergen Musikkterapisenter, på Tveiterås Skole, Stend vidaregåande skule og saman med Trond Nordvik i Ferske kneipbrød. Det er MIFF sin tretrinnsmodell som er utgangspunktet for måten me jobbar på innan psykisk helsefeltet i Bergen, der trinn 1 er musikkterapi på DPS, trinn 2 er kommunalt musikkoppfølgingstilbod og trinn 3 er sjølvstendig musikkaktivitet i lokalsamfunnet utan musikkterapeut. At Roar utrøyteleg har halde liv i MIFF har vore ein stor inspirasjon for musikkterapeutane i Bergen, meg sjølv inkludert, og har betydd enormt mykje for dei som nyttar seg av tenesta. Engasjementet hans smitter og det utgjer ein forskjell at han tek seg tida til å ta med seg bandet på spelestader i byen, som t.d, Pøbelscenen. Han jobbar med trinn 3, tilbakeføring til samfunnet, ein praksis som diverre ofte vert forsømt i musikkterapien.
Roar jobbar i det stille. Han trivast betre i komite enn i styre. Han søkjer ikkje merksemd eller bekrefting for arbeidet han gjer og han vert ikkje gjort stas på med seremoni, heider og fest slik som PhD-kandidater gjer. Han har ikkje fått nokon utmerkingar for arbeidet sitt, men eg vil tru han stiller sterkt neste gong Norsk foreining for musikkterapi (NFMT) skal dele ut Musikkteraprisen sin. I kjent stil ville ikkje Roar ha stor bursdagsfest. Han ville feire livet med det han likar aller best; spele konsert og glede andre med musikken og sitt gode humør. Dette vonar eg han vil halde fram med i 60 år til. Kva jubilanten gjorde på sjølve dagen, 3.november, veit eg ikkje, men eg ser ikkje bort i frå at han nytte stillheita og naturen i hytta si på Osterøy, utan internett og androidtelefon. Og kanskje fekk dei som ringte for å gratulere høyre den gamle telefonsvararmeldinga frå Sandane-tida: "Hei, det e' Roar. Eg e' ute og jogger. Det burde du også gjøre!"
Takk for alt du gjer og har gjort for musikkterapien, Roar, og gratulerer så mykje med 60 årsdagen!
Helsing Øystein Lydvo